ಕಲಬುರಗಿ -ಜಿಲ್ಲೆಯಲ್ಲಿ ಸೋಮವಾರ ಕೊರೋನಾ ಲಸಿಕೆಯನ್ನು ಒಟ್ಟು 35 ಕೇಂದ್ರಗಳಲ್ಲಿ 1306 ಜನ ಆರೋಗ್ಯ ಸಿಬ್ಬಂದಿಗೆ ಹಾಕಲಾಗಿದೆ ಎಂದು ಜಿಲ್ಲಾಧಿಕಾರಿ ವಿ.ವಿ.ಜೋತ್ಸ್ನಾ ಅವರು ತಿಳಿಸಿದರು. ಒಟ್ಟು 2518 ಫಲಾನುಭವಿಗಳ ಪೈಕಿ 1306 ಜನರಿಗೆ ಲಸಿಕೆ ನೀಡಲಾಗಿದ್ದು, ಈ ಮೂಲಕ ಶೇ.50.90 ರಷ್ಟು ಲಸಿಕೆ ಹಾಕಲಾಗಿದೆ. ನೋಂದಣಿ ಮಾಡಿಕೊಂಡಿರುವ ಕೆಲವು ಸಿಬ್ಬಂದಿಗಳು ಬೇರೆ ಕಡೆ ಕರ್ತವ್ಯಕ್ಕೆ ಹಾಜರಾದ ಹಿನ್ನೆಲೆ ಹಾಗೂ ಮತ್ತಿತರ ಕಾರಣಗಳಿಂದ 1260 ಆರೋಗ್ಯ ಸಿಬ್ಬಂದಿಗಳು ಲಸಿಕೆ ಪಡೆದಿರುವುದಿಲ್ಲ ಎಂದು ಹೇಳಿದರು.

ಕಲಬುರಗಿಯ 8 ಕೇಂದ್ರಗಳಲ್ಲಿ- 369 ಸಿಬ್ಬಂದಿಗೆ, ಅಫಜಲಪುರ ತಾಲೂಕಿನ 5 ಕೇಂದ್ರದಲ್ಲಿ- 219, ಆಳಂದ ತಾಲೂಕಿನ 6 ಕೇಂದ್ರದಲ್ಲಿ- 180, ಸೇಡಂ ತಾಲೂಕಿನ 4 ಕೇಂದ್ರಗಳಲ್ಲಿ- 132, ಚಿತ್ತಾಪುರ ತಾಲೂಕಿನ 4 ಕೇಂದ್ರಗಳಲ್ಲಿ- 142, ಜೇವರ್ಗಿ ತಾಲೂಕಿನ 4 ಕೇಂದ್ರದಲ್ಲಿ- 147, ಚಿಂಚೋಳಿ ತಾಲೂಕಿನ 4 ಕೇಂದ್ರಗಳಲ್ಲಿ- 137 ಸೇರಿ ಒಟ್ಟು 1306 ಜನ ಆರೋಗ್ಯ ಸಿಬ್ಬಂದಿಗೆ ಕೋವಿಡ್  ಲಸಿಕೆ ನೀಡಲಾಗಿದೆ ಎಂದು ಮಾಹಿತಿ ನೀಡಿದರು. ಲಸಿಕೆ ಪಡೆದ ನಂತರ ಆರೋಗ್ಯ ಸಿಬ್ಬಂದಿಗಳನ್ನು ತಜ್ಞ ವೈದ್ಯರನ್ನೊಳಗೊಂಡ ವೀಕ್ಷಣಾ ಕೊಠಡಿಯಲ್ಲಿ 30 ನಿಮಿಷಗಳ ಕಾಲ ನಿಗಾವಹಿಸಲಾಯಿತು ಎಂದು ತಿಳಿಸಿದರು.

About Author

Priya Bot

Leave A Reply